کوئٹہ (نیوز ڈیسک): وفاقی تحقیقاتی ادارے (ایف آئی اے) امیگریشن نے کوئٹہ ایئرپورٹ پر ایک کامیاب کارروائی کرتے ہوئے جعلی امیگریشن مہروں کے ذریعے سفر کرنے والے مسافر کو
گرفتار کر لیا ہے۔
ترجمان ایف آئی اے کے مطابق ملزم محمد آصف نجی ایئر لائن کی پرواز FZ-345 کے ذریعے پاکستان پہنچا تھا۔ امیگریشن کلیئرنس کے دوران جب اس کے پاسپورٹ اور دیگر سفری
دستاویزات کا معائنہ کیا گیا تو ان پر لگی مہریں مشکوک پائی گئیں۔
مہروں کی تصدیق کے لیے جب انٹیگریٹڈ بارڈر مینجمنٹ سسٹم (IBMS) کا ریکارڈ چیک کیا گیا تو اس میں مذکورہ مہروں کا کوئی اندراج موجود نہیں تھا، جس سے ان کا جعلی ہونا ثابت ہو
گیا۔
ایف آئی اے حکام نے ابتدائی قانونی کارروائی مکمل کرنے کے بعد ملزم کو ایف آئی اے کے اینٹی ہیومن ٹریفکنگ سرکل (AHTS) منتقل کر دیا ہے،
جہاں اس سے جعلی مہریں لگوانے والے گروہ اور دیگر سہولت کاروں کے بارے میں مزید تفتیش کی جا رہی ہے۔
ایف آئی اے حکام کا کہنا ہے کہ ملکی سرحدوں اور ایئرپورٹس پر غیر قانونی انسانی اسمگلنگ کی روک تھام کے لیے نگرانی کا عمل مزید سخت کر دیا گیا ہے۔
