گلگت بلتستان اسمبلی انتخابات، پیپلز پارٹی 9 نشستوں کے ساتھ سب سے آگے

گلگت ( بیورو رپورٹ)گلگت بلتستان اسمبلی کی 24 عام نشستوں پر ہونے والے عام انتخابات کے غیر حتمی اور غیر سرکاری نتائج آنے کا سلسلہ تیزی سے جاری ہے۔
اب تک موصول ہونے والے 17 حلقوں کے ابتدائی نتائج کے مطابق پاکستان پیپلز پارٹی (پی پی پی) نے میدان مارتے ہوئے مجموعی طور پر 9 نشستوں پر کامیابی حاصل کر لی اور وہ حکومت سازی کی دوڑ میں سب سے آگے نظر آ رہی ہے۔
​انتخابی نتائج کے مطابق مسلم لیگ (ن) اب تک صرف 2 نشستوں پر کامیاب ہو سکی ہے،
جبکہ آزاد امیدواروں نے حیران کن کارکردگی کا مظاہرہ کرتے ہوئے 5 نشستیں اپنے نام کی ہیں۔
اس کے علاوہ مجلس وحدتِ مسلمین (ایم ڈبلیو ایم) بھی ایک نشست جیتنے میں کامیاب رہی ہے۔
​گلگت بلتستان کی بقیہ 7 نشستوں پر ووٹوں کی گنتی کا عمل تاحال جاری ہے،
جس کے بعد ہی ایوان کی حتمی صورتحال واضح ہو سکے گی۔
سیاسی ماہرین کے مطابق پیپلز پارٹی کی اس واضح برتری کے بعد خطے میں جی جی پی کی اگلی حکومت بننے کے امکانات روشن ہو گئے ہیں۔