محسن نقوی مشہد پہنچ گئے، امام رضاؑ کے روضے پر حاضری پروگرام کا حصہ

اسلام آباد(مانیٹرنگ ڈیسک)پاکستان کے وزیرِ داخلہ محسن نقوی ایران کے مقدس شہر مشہد پہنچ گئے ہیں۔ ایرانی میڈیا کے مطابق وزیرِ داخلہ کے دورۂ ایران کے دوران امام رضاؑ کے روضہ مبارک پر حاضری بھی ان کے پروگرام میں شامل ہے۔
رپورٹس کے مطابق محسن نقوی دورے کے دوران مختلف مذہبی اور سفارتی مصروفیات میں حصہ لیں گے۔
اس سے قبل مشہد آمد پر متعلقہ ایرانی حکام کی جانب سے ان کا استقبال کیا گیا۔
ایرانی میڈیا کا کہنا ہے کہ وزیرِ داخلہ امام رضاؑ کے روضے پر حاضری دے کر دعا کریں گے،
جبکہ دورے کے دوران پاک ایران تعلقات، باہمی تعاون اور خطے کی مجموعی صورتحال سے متعلق امور پر بھی تبادلہ خیال متوقع ہے۔ماہرین دورۂ ایران کو دونوں برادر ممالک کے درمیان تعلقات کے فروغ اور باہمی روابط کو مزید مستحکم بنانے کی کوششوں کا حصہ قرار دیا جا رہا ہے۔
تاہم دورے کے حوالے سے پاکستانی حکام کی جانب سے مزید تفصیلات تاحال جاری نہیں کی گئیں۔