کوئٹہ (خبردار نیوز) انسدادِ دہشت گردی عدالت نے گوادر راجی مچی جلسے کے دوران سیکیورٹی اہلکار کی شہادت کے مقدمے کا فیصلہ سناتے ہوئے بی وائی سی کی سربراہ ڈاکٹر ماہ رنگ بلوچ اور رہنما صبغت اللہ کو عمر قید کی سزا سنا دی ہے۔
کوئٹہ میں انسدادِ دہشت گردی کی خصوصی عدالت ون کے جج محمد علی مبین نے ہائی پروفائل مقدمے کا فیصلہ سنایا۔
یہ مقدمہ سال 2024 میں گوادر میں بلوچ یکجہتی کمیٹی کے ‘راجی مچی’ نامی جلسے کے دوران فرائض پر مامور سیکیورٹی اہلکار کی شہادت کے واقعے پر درج کیا گیا تھا۔ عدالت نے فریقین کے دلائل اور شواہد کا جائزہ لینے کے بعد جرم ثابت ہونے پر بی وائی سی کی سربراہ ڈاکٹر ماہ رنگ بلوچ اور تنظیم کے اہم رہنما صبغت اللہ کو عمر قید کی سزا کا حکم جاری کیا ہے۔
عدالتی فیصلے کے بعد صوبائی دارالحکومت کوئٹہ سمیت دیگر حساس علاقوں میں سیکیورٹی کے انتظامات کو مزید سخت کر دیے گئے۔
Admin Team
متعلقہ خبریں
Leave a Reply