کوئٹہ: محرم الحرام کے لیے بلوچستان میں سکیورٹی ہائی الرٹ، 32 ہزار سے زائد اہلکار تعینات

کوئٹہ (نیوز ڈیسک)محرم الحرام کے دوران امن و امان کی صورتحال کو برقرار رکھنے اور عزاداروں کے تحفظ کے لیے بلوچستان بھر میں سکیورٹی کے انتہائی سخت انتظامات مکمل کر لیے گئے ہیں۔
پولیس ذرائع کے مطابق تمام پولیس رینجز اور اضلاع میں یومِ عاشور تک سکیورٹی پلان پر سختی سے عمل درآمد کرایا جائے گا۔
​صوبے بھر میں سکیورٹی ہائی الرٹ
پولیس ذرائع کا کہنا ہے کہ محرم الحرام کے جلوسوں، مجالس اور دیگر مذہبی اجتماعات کی سکیورٹی کے لیے صوبے بھر میں 32 ہزار سے زائد پولیس اور قانون نافذ کرنے والے اداروں کے اہلکار تعینات کیے گئے ہیں۔ اس کے علاوہ تمام اضلاع کی سطح پر یومِ عاشور تک سڑکوں اور حساس مقامات پر ‘اسنیپ چیکنگ’ کا سلسلہ چوبیس گھنٹے جاری رہے گا۔
سکیورٹی حکام کے مطابق صوبائی دارالحکومت کوئٹہ میں یومِ عاشور کے مرکزی جلوس کے روٹس، حساس مقامات اور شہر کے تمام داخلی و خارجی راستوں پر 17 ہزار سے زائد اہلکار فرائض سرانجام دیں گے۔
شہر کی ناکہ بندی کر کے ہر آنے جانے والے پر کڑی نظر رکھی جا رہی ہے۔
سکیورٹی کو فول پروف بنانے کے لیے ڈسٹرکٹ پولیس کے ساتھ ساتھ دیگر فورسز کو بھی الرٹ کر دیا گیا ہے۔ ان انتظامات میں: