فتنہ الخوارج کا ڈیرہ اسماعیل خان میں ایف سی چیک پوسٹ پرحملہ،10 اہلکار شہید3زخمی

اسلام آباد ( خبردارنیوز ) ترجمان وزارت داخلہ کے مطابق فرنٹیئر کانسٹیبلری کے 10 جوانوں نے وطن پر جان قربان کی ہے اسلام آباد میں جاری ہونے والے ایک بیان میں کہا گیا کہ فتنہ

الخوارج کے دہشتگردوں کا ڈیرہ اسماعیل خان کے علاقے درازندہ میں زام ایف سی چیک پوسٹ پر رات کی تاریکی میں بھاری ہتھیاروں سے حملہ کیا

جس میں خوارجی دہشتگردوں کا بہادری سے مقابلہ کرتے ہوئے ایف سی کے 10 جوان شہید اور 3 زخمی ہوے تاہم شہید جوانوں نے جانیں نچھاور کرکے خوارجی دہشتگردوں کا چیک پوسٹ

پر حملہ ناکام بنایا

ترجمان کے مطابق شہید ہونے والے ایف سی کے 6 جوانوں کا تعلق جنوبی وزیرستان جبکہ 4 جوانوں کا تعلق ضلع کرک سے تھا جن میں شہداء میں نائب صوبیدار محمد جان۔ نائیک عارف۔

لانس نائیک سعید الرحمان۔سپاہی اخونزادہ۔سپاہی حضرت اللہ شامل ہیں

اس کے علاوہ سپاہی مشتاق۔ سپاہی عبدالصمد۔ سپاہی عمران۔ سپاہی بصیر اور سپاہی مہتاب نے جام شہادت نوش کیا

واقعہ میں زخمی ایف سی اہلکارنائیک حمزہ۔ سپاہی حسن اور سپاہی صابر ایوب علاج کے لیے سی ایم ایچ ہسپتال ڈیرہ اسماعیل خان منتقل کردیاگیا

ترجمان نے ایف سی کے شہداء کو خراج عقیدت پیش کرتے ہوے کہا کہ ایف سی دہشتگردی کی لعنت کے خاتمے اور قیام امن کیلئے پر عزم ہے کیونکہ شہداء کی عظیم قربانیاں ہمارے غیر

متزلزل عزم کو مزید مضبوط کرتی ہیں۔