لاہور (اسپورٹس رپورٹر) پاکستان سپر لیگ (PSL) میں راولپنڈی پنڈیز کی نمائندگی کرنے والے نیوزی لینڈ کے نامور بیٹنگ آل راؤنڈر ڈیرل مچل نے پاکستانی فاسٹ بولنگ ٹیلنٹ کی کھل کر
تعریف کی ہے۔
پی سی بی ڈیجیٹل سے گفتگو کرتے ہوئے ڈیرل مچل کا کہنا تھا کہ پاکستان واپس آکر انہیں دلی خوشی ہوئی ہے، یہاں کے لوگ اپنی مہمان نوازی میں اپنی مثال آپ ہیں۔
انہوں نے پاکستانی بولنگ لائن اپ کو سراہتے ہوئے کہا کہ “پاکستان کے پاس دنیا کے بہترین فاسٹ بولرز موجود ہیں اور یہاں کے بولنگ ڈیپارٹمنٹ میں بے پناہ ٹیلنٹ چھپا ہوا ہے”۔
مچل نے مزید کہا کہ بطور غیر ملکی کھلاڑی ہماری کوشش ہوتی ہے کہ ہم اپنا تجربہ مقامی نوجوان کھلاڑیوں کے ساتھ شیئر کریں تاکہ ان کے کھیل میں نکھار آئے۔ گزشتہ سیزن کا ذکر کرتے
ہوئے انہوں نے کہا کہ لاہور قلندرز کو ٹرافی اٹھاتے دیکھنا ایک یادگار لمحہ تھا۔
انہوں نے امید ظاہر کی کہ اب ایچ بی ایل پی ایس ایل کے رواں سیزن میں راولپنڈی پنڈیز کی ٹیم اپنی کارکردگی کے تسلسل کو بہتر بناتے ہوئے شاندار کھیل پیش کرے گی۔
