کوئٹہ ( خبردار نیوز ) بلوچستان کے دور افتادہ علاقوں میں “کتاب گاڑی” اور “سائنس کی سواری” کے ذریعے علم کی شمعیں روشن کرنے کا منفرد اقدام، قریہ قریہ بچوں تک تعلیم کی روشنی
پہنچنے لگی
“کتاب گاڑی” اور “سائنس کی سواری” امید کی نئی کرن بن کر سامنے آئی، جس سے بچوں کی تعلیم سے وابستگی میں اضافہ ہوا ہے موبائل اسکولز کے طور پر شروع ہونے والا منصوبہ
چلتی پھرتی لائبریری درس و تدریس اور جدید “سائنس کی سواری” میں تبدیل ہوگیا
وزیر اعلیٰ بلوچستان میر سرفراز بگٹی کے مطابق موبائل سائنس لیب تعلیمی سہولیات سے محروم علاقوں میں سائنسی سوچ، تجسس اور سیکھنے کے جذبے کو فروغ دینے میں اہم کردار ادا
کرنے لگی
بقول انکے ایسے تخلیقی اور باہمت اقدامات بلوچستان کے روشن اور تعلیم یافتہ مستقبل کی مضبوط ضمانت ہیں،
انہوں نے کہا کہ حکومت تعلیم کے فروغ اور بچوں کو جدید علوم سیکھنے کے مواقع فراہم کرنے کے لیے ہر ممکن تعاون جاری رکھے گی، یہ اقدام اسکولوں میں بچوں کے داخلے کی مہم کو
بھی مؤثر انداز میں تقویت دے رہا ہے،
