دبئی: انٹرنیشنل کرکٹ کونسل ( آئی سی سی ) نے کھلاڑیوں کی نئی ٹی 20 رینکنگ جاری کر دی ہے، جس میں پاکستان، بھارت اور افغانستان کے کھلاڑیوں کے درمیان دلچسپ مقابلہ دیکھنے
میں آیا ہے۔ تازہ ترین رینکنگ میں پاکستانی کھلاڑیوں نے بیٹنگ، بالنگ اور آل راؤنڈر کیٹیگریز میں اپنی پوزیشن مستحکم کر لی ہے۔
بیٹرز کی فہرست میں بھارت کے ابھیشیک شرما نے اپنی پہلی پوزیشن برقرار رکھی ہے۔ پاکستان کے صاحبزادہ فرحان نے شاندار کارکردگی کی بدولت ترقی پاتے ہوئے دنیا کے تیسرے بہترین
بلے باز کا اعزاز حاصل کر لیا ہے۔
بالرز کی رینکنگ میں افغانستان کے جادوئی اسپنر راشد خان پہلے نمبر پر براجمان ہو گئے ہیں۔ بھارت کے ورون چکرورتی کا دوسرا نمبر ہے، جبکہ پاکستان کے ابرار احمد اپنی بہترین بالنگ
کی بدولت تیسرے نمبر پر آ گئے ہیں۔
آل راؤنڈرز میں زمبابوے کے سکندر رضا بدستور دنیا کے بہترین آل راؤنڈر قرار پائے ہیں۔ بھارت کے ہاردک پانڈیا دوسرے نمبر پر ہیں، جبکہ پاکستان کے نوجوان کھلاڑی صائم ایوب نے
ٹاپ تھری میں جگہ بناتے ہوئے تیسری پوزیشن حاصل کر لی ہے
Leave a Reply