کوئٹہ، 19 اپریل
وزیر اعلیٰ بلوچستان میر سرفراز بگٹی سے اپوزیشن لیڈر میر یونس عزیز زہری کی سربراہی میں بلوچستان اسمبلی کے اپوزیشن اراکین سے ملاقات کی اور پارلیمانی امور، آئندہ مالی سال کے
بجٹ اور ترقیاتی منصوبوں پر تفصیلی تبادلہ خیال کیا
وزیر اعلیٰ بلوچستان میر سرفراز بگٹی نے حکومت اور اپوزیشن کا آئندہ مالی سال کے پبلک سیکٹر ڈویلپمنٹ پروگرام کی ترجیحات کو عوامی ضروریات سے ہم آہنگ کرنے پر اتفاق کرتے
ہوئے کہا کہ ٹریژری اور اور اپوزیشن اراکین عوام کے منتخب نمائندے ہیں، عوامی مفاد کی ہر مثبت تجویز کا خیرمقدم کیا جائے گا،
انہوں نے کہا کہ بلوچستان اسمبلی پارلیمانی روایات اور صوبائی اقدار کا خوبصورت امتزاج ہے، جبکہ اپوزیشن اراکین نے پارلیمانی کارروائیوں میں ہمیشہ صبر و تحمل اور اعلیٰ اخلاقی اقدار
کا مظاہرہ کیا،
میر سرفراز بگٹی نے کہا کہ باہمی احترام اور بھائی چارے کی یہی روایات ہمیں دیگر پارلیمانوں سے ممتاز بناتی ہیں،اور ہم اپوزیشن کے مثبت اور تعمیری پارلیمانی کردار کو قدر کی نگاہ سے
دیکھتے ہیں،
وزیر اعلیٰ بلوچستان نے یقین دھانی کرائی کہ عوامی مفاد کی قابلِ عمل اور منظور شدہ ترقیاتی اسکیموں کو پی ایس ڈی پی میں شامل کیا جائے گا،
جس پر اپوزیشن لیڈر اور اراکین نے وزیر اعلیٰ کے مثبت کلمات اور پارلیمانی رویے پر اظہارِ تشکر کرتے ہوئے کہاکہ میر سرفراز بگٹی اپوزیشن کے آئینی و پارلیمانی تقدس کا احترام کرتے
ہوئے مثبت تنقید کو کشادہ دلی سے قبول کرتے ہیں
Leave a Reply