سردار اختر مینگل کے خلاف دہشت گردی کے مقدمات سیاسی ہیں-ساجد ترین ایڈووکیٹ

اکوئٹہ (خبردار نیوز) انسداد دہشت گردی عدالت کوئٹہکی عدالت میں بلوچستان نیشنل پارٹی کے سربراہ سردار اختر جان مینگل کے خلاف دہشت گردی کی ایف آئی آر کا معاملہ، ساجد ترین ایڈووکیٹ کے دلائل کے بعد عدالت نے کیس کی سماعت اگلی تاریخ تک ملتوی کر دی۔
اس موقع پر آغا حسن بلوچ ایڈووکیٹ اورنصیر احمد لہڑی ایڈووکیٹ بھی موجود تھے
یاد رہے کچھ عرصہ قبل لکپاس دھرنے کے دوران انٹرویو دینے پر بی این پی کے سربراہ سردار اختر جان مینگل کے خلاف دہشت گردی کی ایف آئی آر درج کی گئی تھی ، آج اس کیس کی اہم سماعت ہوئی۔
عدالتی سماعت کے بعد ساجد ترین ایڈووکیٹ نے کہا کہ سردار اختر جان مینگل کے خلاف دہشت گردی کے مقدمات ان کے سیاسی موقف کی وجہ سے ہیں،
انہوں نے کہا کہ بلوچستان حکومت پارٹی قیادت کو خوفزدہ کرنے کے لیے ایسے ہتھکنڈے استعمال کر رہی ہے، تاہم بلوچستان نیشنل پارٹی ظلم کے خلاف ہر ممکن آواز اٹھاتی رہے گی۔