لاہور میں پی ایس ایل 11 کا دوبارہ آغاز: قلندرز اور گلیڈی ایٹرز کے درمیان آج مقابلہ

لاہور (نیوز ڈیسک): پاکستان سپر لیگ (PSL) کے 11 ویں سیزن کا میلہ ایک بار پھر لاہور میں سجنے کو تیار ہے۔

ترجمان لاہور پولیس کے مطابق شہر میں ٹورنامنٹ کے مزید 8 میچز کھیلے جائیں گے، جس کے لیے سکیورٹی کے انتہائی سخت اور فول پروف انتظامات مکمل کر لیے گئے ہیں۔

لاہور میں دوبارہ شروع ہونے والے مرحلے کے پہلے میچ میں آج میزبان لاہور قلندرز اور کوئٹہ گلیڈی ایٹرز کی ٹیمیں قذافی سٹیڈیم میں آمنے سامنے ہوں گی۔ شائقین کرکٹ میں اس بڑے مقابلے

کو لے کر بھرپور جوش و خروش پایا جا رہا ہے۔

سی سی پی او لاہور، بلال صدیق کمیانہ نے سکیورٹی انتظامات کا جائزہ لیتے ہوئے واضح کیا ہے کہ اسٹیڈیم، کھلاڑیوں کی رہائش گاہوں اور ٹیموں کی آمد و رفت کے روٹس پر سکیورٹی پلان

پر من و عن عملدرآمد یقینی بنایا جائے گا۔

میچز کے دوران ہزاروں پولیس افسران اور جوان ڈیوٹی سرانجام دیں گے تاکہ کھلاڑیوں اور تماشائیوں کو پرامن ماحول فراہم کیا جا سکے۔ جبکہ سی سی ٹی وی کیمروں کے ذریعے روٹس اور

اسٹیڈیم کے اطراف کی مسلسل نگرانی کی جا رہی ہے۔

ترجمان لاہور پولیس کا کہنا ہے کہ شہریوں کی سہولت کے لیے ٹریفک کا متبادل پلان بھی وضع کیا گیا ہے تاکہ میچ کے دوران شہر کی اہم شاہراہوں پر روانی متاثر نہ ہو۔

سی سی پی او لاہور نے افسران کو ہدایت کی ہے کہ سکیورٹی کے ساتھ ساتھ شہریوں کے ساتھ خوش اخلاقی سے پیش آیا جائے۔