حکومت نے جیٹ فیول مہنگا کر دیا، ایئرلائنز کو نئے مالی دباؤ کا سامنا۔

حکومت نے کمرشل پروازوں میں استعمال ہونے والے جیٹ فیول کی قیمت میں بڑا اضافہ کر دیا، جس کے بعد نئی قیمت 441 روپے 66 پیسے فی لیٹر ہو گئی۔

جیٹ فیول کی قیمت میں 53 روپے 11 پیسے فی لیٹر اضافہ کیا گیا ہے، جس سے ایئرلائنز کے آپریشنل اخراجات میں نمایاں اضافہ متوقع ہے۔ ایئربس اور بوئنگ طیاروں میں بطور ایندھن جیٹ فیول ہی استعمال کیا جاتا ہے۔

ایوی ایشن ذرائع کے مطابق فیول مہنگا ہونے کے بعد فضائی ٹکٹوں کی قیمتوں میں اضافے کا بھی امکان ہے، جبکہ ایئرلائنز نے حکومت سے مطالبہ کیا ہے کہ جیٹ فیول کی قیمتوں میں کیا گیا اضافہ واپس لیا جائے۔