غیرملکیوں سمیت ہزاروں افراد ایران سے پاکستان میں داخل

کوئٹہ ( خبردار نیوز ) وزیر اعلیٰ بلوچستان میر سرفراز بگٹی نے اپنے ایکس پر جار ی ایک پیغام میں کہا ہے کہ حالیہ دنوں میں ایران سے غیر ملکیوں سمیت ہزاروں پاکستانی کی وطن واپسی

ہوئی ہے جو گوادر اور چاغی کے راستے پاکستان پہنچ گئے

انہوں نے کہا ہے کہ ایران سے 28 فروری سے گزشتہ رات تک 5615 پاکستانی شہری ضلع گوادر اور ضلع چاغی کے راستے وطن واپس پہنچ چکے ہیں ان میں

2117 ایرانی ڈرائیورز سمیت 431 دیگر غیر ملکی شہری بھی شامل ہیں

وزیر اعلیٰ بلوچستان میر سرفراز بگٹی کے مطابق ضلعی انتظامیہ گوادر اور چاغی نے آنے والے مسافروں کی بہترین انداز میں دیکھ بھال کی اور انہیں منزل تک پہنچانے میں ہر ممکن سہولت

فراہم کی،

یاد رہے کہ 28 فروری کے بعد حکومت بلوچستان کی ہدایت پر تمام سرحدی کراسنگ پوائنٹس پر مسافروں کی سہولت، حفاظت اور آرام کے لیے انتظامیہ مکمل طور پر مستعد ہے،