اسلام آباد/راولپنڈی (نیوز رپورٹر): ایران اور امریکہ کے درمیان امن مذاکرات کے تناظر میں ملک بھر بالخصوص وفاقی دارالحکومت اور راولپنڈی ڈویژن میں سیکیورٹی کے انتہائی سخت
انتظامات کیے گئے ہیں۔
پولیس، رینجرز، سی ٹی ڈی اور انٹیلیجنس اداروں نے پانچ اضلاع میں مشترکہ سرچ اینڈ کومبنگ آپریشنز کا آغاز کر دیا ہے۔
آپریشن کے اہم مراکز:
اسلام آباد: سبزی منڈی، فیض آباد، ترنول، شہزاد ٹاؤن، ہمک اور کراچی کمپنی کے اطراف میں گھر گھر تلاشی اور کوائف کی تصدیق جاری ہے۔
راولپنڈی ڈویژن: پیرودھائی، نور خان ایئربیس، حاجی کیمپ، ٹیکسلا، مری، جہلم، چکوال اور اٹک کے حساس مقامات پر سیکیورٹی فورسز متحرک ہیں۔
حکمتِ عملی:
حکام کے مطابق داخلی و خارجی راستوں پر انٹیلیجنس بیسڈ اسکریننگ کی جا رہی ہے۔ بس اڈوں، مارکیٹوں اور حساس تنصیبات کے گرد و نواح میں نگرانی کا عمل تیز کر دیا گیا ہے تاکہ کسی
ھی ناخوشگوار واقعے سے بچا جا سکے۔
انتظامیہ نے شہریوں سے اپیل کی ہے کہ وہ امن و امان کے قیام کے لیے قانون نافذ کرنے والے اداروں سے تعاون کریں۔
واضع رہے کہ پاکستان کی ایران امریکہ جنگ بندی میں نمایاں کردار ادا کرنے کے بعد دونوں ممالک کے درمیان مذاکرات کا پہلا دور جمعہ کو اسلام آباد میں ہوگا جس میں شرکت کے لیے
دونوں ممالک کے وفود کی اسلام آباد آمد کا سلسلہ شروع ہوچکا ہے
اس مقصد کے لیے وفاقی حکومت نے جمعرات اور جمعہ کو اسلام آباد میں تمام تعلیمی ادارے 2 دن بند رکھنے کا بھی اعلان کیا ہے
