اسلام آباد ( خبردار نیوز ) اسلام آباد ہائیکورٹ نے منشیات کے مقدمہ میں گرفتار 65 سالہ خاتون شاہین اختر کی ضمانت کی درخواست مسترد کرتے ہوے اد ہائیکورٹ کا انسدادِ منشیات عدالت
کو کیس کا ٹرائل 8 ماہ میں مکمل کرنے کا حکم دیا ہے
عدالت نے کہا کہ چالان پیش ہو چکا، ٹرائل جلد مکمل ہو سکتا ہے، ضمانت مسترد کی جاتی ہے،
یاد رہے کہ اینٹی نارکاٹکس فورس نے ملزمہ شاہین اختر 9 کلو 6 سو گرام چرس پشاور لے جاتے ہوئے گرفتار کیا تھا
جس پر آج جسٹس محسن اختر کیانی نے شاہین اختر کی ضمانت مسترد کرنے کا تحریری فیصلہ جاری کردیا
فیصلے کے مطابق اے این ایف کے مطابق خفیہ اطلاع پر مسافر وین کی تلاشی کے دوران ملزمہ سے چرس برآمد ہوئی،ملزمہ ہے وکیل نے زیادہ عمر اور خرابیِ صحت کی بنیاد پر ضمانت
منظور کرنے کی استدعا کی،
وکیل کے مطابق ملزمہ خرابی صحت کے باعث علاج معالجے کیلئے ہسپتال میں داخل ہے، تاہم اے این ایف کے سپیشل پراسیکیوٹر نے ملزمہ کی ضمانت کی درخواست کی مخالفت کی،
جج کے مطابق اے این ایف نے ملزمہ سے چرس برآمدگی کی ویڈیو ریکارڈنگ بھی عدالت میں پیش کی، اور بتایا کہ چرس برآمدگی کے 72 گھنٹے کے اندر کیے گئے کیمیکل جائزے کے
نتائج مثبت آئے،
یاد رہے کہ مقدمے کا چالان دس اکتوبر کو متعلقہ عدالت میں جمع کروایا جا چکا ہے،تاہم میڈیکل رپورٹس کے مطابق ملزمہ کو کوئی جان لیوا بیماری نہیں، اسکا علاج معالجہ جاری ہے،عدالت
کے مطابق ملزمہ کا علاج دورانِ حراست بھی جاری رکھا جا سکتا ہے،
